மதுரை:
மதுரை வடக்கு மண்டலத்துக்கு உட்பட்ட பகுதிகளில் ரூ.37.91 லட்சம் மதிப்பீட்டில் மேற்கொள்ளப்பட்டுள்ள வளர்ச்சித் திட்டப்பணிகளை மாநகராட்சி ஆணையாளர் அனீஷ்சேகர் இன்று ஆய்வு செய்தார்.
கருப்பாயூரணி பாரதிபுரம் பிரதான சாலை, சீமான் நகர் ஆகிய பகுதிகளில் ரூ.22 லட்சம் மதிப்பீட்டில் புதிதாக அமைக்கப்பட்டுள்ள தார்ச்சாலை, தாசில்தார் நகர் விநாயகர் 1-வது தெருவில் ரூ.6.82 லட்சம் மதிப்பீட்டில் புதிதாக அமைக்கப்பட்டுள்ள பேவர் பிளாக் சாலை.
பாண்டி கோவில் சுற்றுச் சாலை எல்காட் அருகில் ரூ.6.58 லட்சம் மதிப்பீட்டில் அமைக்கப்பட்டுள்ள குடிநீர் மின்மோட்டார் அறை, சின்டெக்ஸ் தொட்டி மாநகராட்சி சுற்றுச்சூழல் பூங்காவில் ரூ.2.41 லட்சம் மதிப்பீட்டில் கிழக்கு மற்றும் மேற்கு பகுதியில் மேற்கொள்ளப்பட்டுள்ள கழிப்பறைகள் மராமத்து உள்ளிட்ட பணிகள் என மொத்தம் ரூ.37.91 லட்சம் மதிப்பீட்டில் மேற்கொள்ளப்பட்டுள்ள வளர்ச்சித்திட்டப் பணிகளை ஆணையாளர் அனீஷ்சேகர் ஆய்வு செய்தார்.
கருப்பாயூரணி பாரதி புரம் பிரதான சாலையில் குப்பைத் தொட்டியை சுற்றி குப்பைகளை கொட்டிய உணவகங்களுக்கு ரூ.1500 அபராதம் விதிக்க உத்தரவிட்டார்.
சீமான் நகரில் புதிதாக அமைக்கப்பட்ட சாலையில் கட்டிட கழிவுகளையும், கட்டுமான பொருட்களையும் கொட்டி வைத்தவருக்கும், சாலையை சேதப்படுத்தி அனுமதி இல்லாமல் வேகத்தடை அமைத்த வீட்டின் உரிமையாளருக்கும் அபராதம் விதிக்க உத்தர விட்டார்.
தாசில்தார் நகர் விநாயகர் பிரதான தெருவில் சாலை அமைக்குமாறு பொதுமக்கள் கோரிக்கை வைத்தனர் உடனடியாக பேவர் பிளாக் சாலை அமைப்பதற்கான நடவடிக்கைகளை மேற் கொள்ளுமாறு அலுவலருக்கு ஆணையாளர் அனீஷ் சேகர் உத்தரவிட்டார்.
மாநகராட்சி சுற்றுச்சூழல் பூங்காவில் அம்ரூட் திட்டத்தின் கீழ் நடைபெற்று வரும் பணிகளையும் ஆய்வு செய்தார்.
இந்த ஆய்வின் போது உதவி ஆணையாளர் பழனிச்சாமி, செயற் பொறியாளர் ராஜேந்திரன், மக்கள் தொடர்பு அலுவலர் சித்திரைவேல் உள்ளிட்ட பலர் கலந்து கொண்டனர்.
